Sangschaw 2027, an notice o AGM

The AGM o the Scots Leid Associe will be held on Zoom on the 30th o September. The agenda as it currently staunds is ablo.

Meanwhile, the Sangschaw is apen for 2027! See the rules ablo.

AGM Agenda

1. Meenits o AGM 2025
2. Maitters arisin
3. Preses’ Report
4. Thesaurer’s Report
5. Lallans
6. Sangschaw
7. Election o Office Bearers: Preses, Vice-Preses, Secretar, Admin & Membership Secretar, Thesaurer
8. Election o Ordinar Comatee Memmers
9. Ony ither competent business

Memmers: keep an ee on your emails for the Zoom link!

Sangschaw 2027 Rules

• Entries by 31st Januar 2027.
• Poesie nae mair nor 45 lines.
• Prose nae mair nor 3000 words.
• Owersettins: poesie 45 lines, prose 3000 words, text o oreiginal tae be includit.
• Submeissions aa in Scots (sauf gin there’s guid reason for yaisin anither leid e.g. coup de grace, vae victis).
• Screivins aareddies published, acceptit for publication or submittit itherwhaur are no eligible.
• Submeissions are judged anonymously, sae nae nems on submeissions, but nem, address an title of submeission/submeissions on a separate page. Multiple submeissions on separate pages, please.
• £5 per entry, £12 for 3 submeissions, peyed by BACS/Paypal/cheque/cash or ony ither means tae the SLS account. Pruif o peyment shuid be send wi submeissions.

Feedback is gien on ilka submeission. Three tassies are awardit: the Hugh MacDiarmid Tassie for poesie, the Robert McLellan Tassie for prose, an the John MacPhail Law Tassie for owersettin, wi £100 for 1st prize, £50 for rinners-up, in aa categories.

Submeissions may be sent online tae the Associe, or tae failte@go-plus.net, or as paper copies tae Sangschaw, c/o 6 Dryden Place, Edinburgh EH9 1RP.

Aa submeissions wull be considered for furthsettin i Lallans magazine.