News

Aboot us

The Scots Leid Associe wis fundit i 1972 wi an anely brief: tae promuive the Scots leid and leitratur bi furthsettin the anely magazine dedicatit til new Scots scrievin.

Ower five decades later, that is oor meission else. Asides Lallans, we rin an annual Scots-leid scrievin competition, the Sangschaw, an we forby hae furthset an anely ingaitherin o Scots-leid recordins in our Scotsoun series o CDs.

Mairfortaken, we hae annual Collogues, whaur we ingaither oor memmers an hear talks on Scots-leid cultur an hear Sangschaw winners readin their nain wark.

Meet the Commattee

• Rab Wilson Preses

  Rab Wilson is a poet wha scrieves predominantly i the Scots leid. He wis born an aye-an-oan bides i New Cumnock, East Ayrshire. He is forby a playwreicht, newspaper columnist an commentator on the Scots leid.

• Joe Carstairs Secretar, Wabmaister

  Joe haes been i the Associe syne 2019. He is a Scots leid lairner an believes eydent at the Scots leid belangs awbody. He is frae Perth but bides eenou i Embro, at he haes bidden in syne 2018.

• Tony Beekman Thesaurer

  Tony pits in a shift in the day job as a Community Lairnin an Development Warker for a central Scottish cooncil. He is also a trade union shop steward. Tony is a lifelang lairner o philosophy an likes tae reflect on it in the pub ower a pint or a dram. This helps him scrieve cutty tales whit he is chuffed tae see in Lallans occasionally.

• David Bleiman Ordinary Memmer

  David bides i Cramond on the Embro Riviera. He is a makar, an is the winner o the 2020 Sangschaw Prize an 2023 McCash Prize fur poyums in Scots. He sells buiks on poetrykilt.bigcartel.com .

• Michael Everson

• William Hershaw Lallans Eiditor

  William Hershaw is the praisent eiditor o Lallans. He is a weill-kent poet and singer . Brocht up as a native Scots speiker in a Fife mining community he trowes that ‘the Scots leid is for aabody’ and “gin ye tint your leid ye tint your sel’. Aa Scots leid has a feir in Lallans. William can be contacted at w.hershaw678@btinternet.com .

• Derrick McClure Honorary Preses

  Derrick is a retired academic wi a record o scholarly publication i the Scots leid field. He served as Preses o the SLS for several year, and as Chairman o the Forum for Research in the Languages of Scotland and Ulster. Muckle o his recent wark has consisted o literar owersettins intil Scots, and several o them hae been pit furth in Lallans.

• Elaine Morton Ordinary Memmer

  Elaine is a past editor o Lallans an bides on the Commattee tae owersee the Sangschaw competeition. Edinburgh is hame an she haes been wi the Associe sin 1998. She wad be blithe o mair weemen on the Commattee, sae, lasses, dinnae be blate tae come forrit!

• Colin Robertson

• Jack Stuart

• George T Watt Memmership Secretar

  George T Watt is a writer in Scots poesie, cutty tales and airticles. This cheil haes been published in mony anthologies an magazines as weel as Lallans. He haes produced seiveral recordings fur Scotsoun anaa.

Furth­settins

We ar ane o the foremaist furthsetters o new Scots leitratur. Oor maist important furthsettins ar Lallans an Scotsoun.